Файлдарды абайсызда өшіру, жабдықтың істен шығуы, бағдарламалық қамтамасыз етудегі ақаулар, хакерлік шабуылдар, компьютердің вирустармен зақымдануы – осындай жағдайлардың барлығында маңызды ақпаратты сақтауға Backup as a Service – BaaS сервисі көмектеседі. Ол виртуалды машиналардың сақтық көшірмелерін бұлтта сақтауға мүмкіндік береді.
Деректерді резервтік көшіру қызметін Қазақстандағы ең ірі инфотелекоммуникациялық және бұлттық провайдерлердің бірі – «Қазтелепорт» АҚ көрсетеді. Бұл қызметтер бизнеске ақпарат жоғалту тәуекелін азайтып, кәсіпорынның тұрақты жұмысын қамтамасыз етуге, беделдік шығындарды төмендетуге мүмкіндік береді.
Қызметтің басқа да артықшылықтарының ішінде – клиенттік жүйелердің деректерін жылдам көшіру және қалпына келтіру, ақпаратты клиент жағында сақтау шығындарын азайту бар.
Backup as a Service артықшылықтары
«Қазтелепорт» АҚ ұсынатын бұлттық резервтік көшіру сервисі:
Ақпаратты әмбебап әрі сенімді бұлттық қоймада сақтауды қарастырады.
Авариялық жағдайда деректерді қалпына келтіруге мүмкіндік береді.
Репликациялық нұсқасын жасау арқылы деректерді кез келген ақау себебіне қарамастан қалпына келтіруге жағдай жасайды.
Кеңейтілген функционалға ие. Мысалы, пайдаланушы көшіру уақыты мен мерзімділігін жоспарлай алады.
Резервтік көшіруді кез келген ортадан: виртуалды, жергілікті немесе бұлттан орындауға мүмкіндік береді.
Орта және ұзақ мерзімді перспективада көшірмелерді сақтау үшін дискілік кеңістік квотасын қарастырады.
Жеңіл әрі интуитивті түрде басқаруға болады.
Инфрақұрылымға қарапайым және ыңғайлы қолжетімділік береді: пайдаланушыға тек логин мен пароль арқылы аутентификациядан өту жеткілікті.
Бұл қызмет күн сайын үлкен көлемдегі деректермен жұмыс істейтін кез келген компанияға өзекті. Ең алдымен, бұл ритейл, банк секторы, өндіріс және сақтандыру саласына қатысты.
Қызмет бойынша кеңес алу үшін сайттағы онлайн-форманы толтырыңыз. Сондай-ақ, «Қазтелепорт» өкілдерімен қысқа нөмір 5151 арқылы байланыса аласыз.
